عايز اكون مسلم عابد طائع منيب لرب العالمين بس فى حاجه ؟

***بسم الله الرحمن الرحيم***
هذه هى المشكله التى تؤرقنا جميعا سواء كنا عصاه محملين بالذنوب وفعلنا كل المحرمات او كنا من اصحاب الذنوب الخفيفه... تشغلنا فطرتنا احنا اتولدنا مسلمين يعنى اهوه اساسنا سليم امال فى ايه.
شغلتنا الدنيا كده ليه؟ ليه ما جربناش نحقق هدف خلقنا؟؟"وما خلقت الجن والانس الا ليعبدون" يعنى خلقت انا للعباده فقط وبالادق خلقت لاكون خليفة الله فى ارضه.
وربنا ذللى كل شىء خلقنى واعطى لى"عقل وصحه ووسمع وبصر وفؤاد وجمال ومال وخلق وشمس وقمر وهواء ووهبك نعيم ونعم لا تعد ولا تحصى".
طيب برضه كل ده جميل جدا بس برضه انا عايز اكون مسلم عابد طائع منيب لرب العالمين بس موش عارف اعمل ايه اقولك ليه انتا موش عارف:-
**الشيطـــــــــــــــــــــــــــــــان**
دى الكارثه الموقوته اللى فى حياتنا وحطى تحتيها مليون خط وحدثى فيها ولا حرج عارفين ان الشيطان كان مستكترعلى ابوكوا ادم انه خلق بيدى الله وتربى فى الجنه وان ربى علمه اسماء كل شىء فى الكون ما لم يعلمه للملائكه اختص به ابوك أدم"وعلم ادم الاسماء كلها" فرفض ابليس ان يسجد الي ابيكم ادم"فسجدوا الا ابليس ابى فقلنا يا ادم ان هذا عدو لك ولزوجك" لتكبره لتفكيره الوهن بانه كيف يسجد النار للطين"ءاسجد لمن خلقت طينا" فطرده الله من رحمته وطلب ابليس من ربه ان يمهله الى يوم القيامه علشان يسحب كثيرا من بنى ادم معه فى النار لكى يكونوا له نعم الجلساء الاخلاء القرناء فى حهنم نار الله الموقده بكل الطرق ليثبت لربه عز وجل انه عندما رفض السجود لادم كان قراره صحيح فاغرانا بالدنيا التى لا تساوى"عند الله جناح بعوضه" وما فيها من موضه واستايل ومال وبالمباهج وغررنا بالدنيا الزائله الفانيه المكتظه بالمتع المختلفه زين القبيح فى شكل مبهر ملفت واحنا للاسف مشينا وراء من قال فينا "قال ارءيتك هذا الذى كرمت على لئن اخرتنى الى يوم القيامه لاحتنكن ذريته الا قليلا قال اذهب فمن اتبعك منهم فان جهنم جزاؤكم جزاء موفورا"يعنى هو من سيلبثنا لجام كالحيوانات ويشدنا ورائه لجهنم وسيرنا خلف من رفض الاعتراف بابينا وتكبر علينا وسيرنا خلف اكبرعدوا عاصى لربه بفرحه واشتياق لتنفيذ اوامره وسيرنا خلف من سيتبرا من انه اغوانا لفعل المعصيه يوم القيامه وسيرنا وراء من حبب الينا هتك الموبقات والمحرمات وكمان وسيرنا وراء من اثقل الطاعات على قلوبنا فجعلك تتكبر فى ان يمنعك من الصلاه والزكاه و.....
لكن والله انا عايزه اسالنى واسالكم سؤال بس تخيل الموقف ده بجد وانتا وانا واقفين امام ملك الملوك يوم القيامه ان شاء الله وبيسالك انتا سيبت الصلاه مثلا ليه هاتؤل له ايه ؟ يا ترى هاتاول الماتش ولا الخروج مع الجو والا هاتقولى المسلسل والا المكياج والا ايه.
انا عايزه زى ما انا متخيلانى فى الموقف ده ومجهزه ردى انتوا كمان تجهزوا ردكوا يا ترى هايكون ايه.
بس اعلموا لا هينفع الكدب ولا هاينفع التحايل ولا هينفع اى حاجه الا الصدق وربنا يهدينا كلنا ويدلنا كيف نسير فى النيا بطاعته لنتمكن من دخول الجنه.
"اسأل الذى جعلنا فى دنيا فانيه أن يجمعنا ثانيه فى جنه قطوفها دانيه"